Irregular Marriage in Islam: Legitimate Children & Spousal Rights Explained

*Fasid Nikah vs Batil Nikah - Asal Farq Kya Hai?*

Bohat log samajhte hain Fasid or Batil ek hi cheez hai.

- Aisa nahi hai.

- Dono me zameen asman ka farq hai.

- Or sab se bara farq aulad or warasat par parta hai.

Chalo is ko bilkul simple zuban me samajhte hain.

*Fasid Nikah Kya Hai?*

- Fasid Nikah matlab Irregular Marriage.

- Nikah hua to hai.

- Ijab o Qabool bhi hua hai.

- Bas koi ek shart poori nahi hui.

- Maslan gawah nahi thay.

- Maslan aurat iddat me thi.

- Maslan 5th biwi se nikah kar liya.

- Ye aib aarzi hai.

- Ise door kiya ja sakta hai.

- Aib door hote hi nikah sahi ban jata hai.

*Batil Nikah Kya Hai?*

- Batil Nikah matlab Void Marriage.

- Ye nikah shuru se hi nahi hai.

- Is ko theek nahi kiya ja sakta.

- Maslan behan bhai ka nikah.

- Maslan maa bete ka nikah.

- Maslan doodh shareek behan bhai ka nikah.

- Ye hamesha batil hi rahe ga.

- Chahe dono razi bhi hon.

- Chahe gawah bhi hon.

*Fasid Nikah Me Miyan Biwi Ki Zimmedariyan*

- Fasid me bilkul khamoshi nahi hoti.

- Kuch zimmedariyan paida hoti hain.

- Batil me koi zimmedari nahi hoti.

- Fasid me nikah ka kuch asar zaroor hota hai.

*Sab Se Bara Farq - Aulad Ka Status*

- *Batil Nikah Me Aulad:*

- Bachay najayez samjhe jate hain.

- Nasab bap se sabit nahi hota.

- Bachon ka bap ki taraf se koi rishta qanooni tor par nahi banta.

- *Fasid Nikah Me Aulad:*

- Bachay bilkul legal hote hain.

- Bachay halal hote hain.

- Nasab sabit hota hai.

- Bachay apne maa bap ke bachay kehlate hain.

- Yehi sab se bara farq hai jo log bhool jate hain.

*Warasat Ka Farq*

- *Batil Me Warasat:*

- Bachon ko bap ki warasat me hissa nahi milta.

- Miyan biwi ko ek doosre ki warasat me hissa nahi milta.

- Kyun ke nikah tha hi nahi.

- *Fasid Me Warasat:*

- Bachay warasat claim kar sakte hain.

- Bachon ko maa bap dono ki taraf se hissa mil sakta hai.

- Kyun ke nasab sabit hai.

- Is liye warasat ka haq banta hai.

*Mehr Ka Farq*

- *Batil Me:*

- Mehr nahi milta.

- Nan Nafqa nahi milta.

- Koi dawa nahi ban sakta.

- *Fasid Me:*

- Dakhool se pehle mehr nahi banta.

- Dakhool ke baad mehr milta hai.

- Mehr-e-Misl ya Mehr-e-Musamma mil sakta hai.

- Aurat ka haq banta hai.

*Iddat Ka Farq*

- *Batil Me:*

- Iddat nahi hoti.

- Kyun ke nikah hi nahi tha.

- *Fasid Me:*

- Dakhool se pehle iddat nahi hoti.

- Dakhool ke baad alahdagi par iddat lazim hoti hai.

- Is ka maqsad nasab ko clear rakhna hai.

- Ta ke pata chale bacha kis ka hai.

*Ek Nazar Me - 5 Farq*

- *1. Nikah Ki Hasiyat:*

- Batil: Shuru se khatam.

- Fasid: Kharabi hai, theek ho sakta hai.

- *2. Aulad:*

- Batil: Najayez.

- Fasid: Legal, Halal.

- *3. Warasat:*

- Batil: Bachon ko hissa nahi.

- Fasid: Bachon ko poora hissa.

- *4. Mehr:*

- Batil: Zero.

- Fasid: Dakhool ke baad milta hai.

- *5. Iddat:*

- Batil: Nahi.

- Fasid: Dakhool ke baad lazim.

*Aam Log Kya Ghalti Karte Hain?*

- Log Fasid ko bhi Batil samajh lete hain.

- Kehte hain bachay bhi najayez honge.

- Aisa nahi hai.

- Fasid me bachay pori tarah legal hote hain.

- Or warasat ke haqdar bhi hote hain.

*Aakhri Baat*

- Batil ka matlab hai nikah hua hi nahi.

- Fasid ka matlab hai nikah hua hai, bas kami reh gayi.

- Kami door karo, nikah sahi.

- Is liye Fasid me bachon ke huqooq khatam nahi hote.

*Adalat.pk | 0317-0730531*